Spielberichte

BSV - SV Schwitschen 2-0 (1-0)

01.11.2006, 17:45 | Kategorie Fussball-1.Herren | von Benjamin Bünning

„Ihr seid doch nur ein dummer Bauernverein!“ – Wenn dei Schwitscher dat al glöwt, denn kümmt dei Rapport nu ook mol op platt

Dei Klock is halvig ölben – Dei Nahrichten

An Sünndach wöör dat woller so wied, dei Footballspeelers vun’n Bartelsdörper Sportvereen hebbt sik mit die Lüüe ut Schwitschen inne „Jägermeester-Arena“ verafrädt um den tweeten Platz inne Tabell uttospeelen. Die Schwitscher hebbt sik faß vörnomen dree Punkte ut Bartelsdörp mittonehmen, over dei Bartelsdörper hebbt die letzten söben Speele nich mehr verlorrn und wüllen dei Schwitscher blank woller na Huus schicken.

Und dor wöör ook glieks Füür in’ Speel. Een Hauen und een Steken op beiden Sieden. Die Gäst ut Schwitschen wöörn twoor optisch öberleggen, over vörn Bartelsdörper Kasten wöör nix los. Anners dagegen dei Mannslüd ut Bartelsdörp. Us Käppen Michael Lange har dei eerste Mööglichkeit, over he hett den Ball ut gauden Position an’ Kasten vörbihaut.
Nich lang loter wöör dat Benjamin Bünning, dei den Ball na een Ecken nich rinkregt hett. Nu harr dat al twee to null stohn köönt.
Denn wöör dat over so wied, Michael Lange spelt een fienen Pass to Tobias Willenbrock und dei Schwitscher Torwat und Afwehrspeelers sünd sik nich enig. Tobias Willenbrock seggt "Schööndank" und schuvt ton een to null in. Dor wöörn dei Schwitscher Speelers 'n lütt beten dösig. Und watt dei Schwitscher nu ook verseukt, die Bartelsdörper Afwehrspeelers um Mark Meyer, Jurek Grapentin und Oskar Jäger hebbt woller allns umpleugt und nix tolaten. Und dei beiden Huulbessens vör de Afwehr, Sascha Wahlers und Jan-Hendrik Hesse, hebbt allns afrümt. So stünd dat ton Halftied een to null för Bartelsdörp.

Inne tweeten Halftied wülln dei Schwitscher nu over den Utgliek und se harrn ook gans gode Schangsen. Eerst haut se den Ball ut dörtein Meters öbern Kasten und denn drept se blot den Posten. Dei Bartelsdörper harrn in disse Tied massig Dusel. Over wie dat man foken so is in football: "Wenn du vörn dei Dinger nich rinmokst, denn klingelt dat noher astern."
Und woller wöör dat Michael Lange, dei Tobias Willenbrock in Szene setten deit und der brukt blot noch den Ball an Torwart vörbitospitzeln. Dei Schwitscher mööt nu 'nem 0-2-Rückstand achteran lopen und 'n poor vun de Speelers komt dormit wohl nich so gaud kloor. Dei Kloogschieter ut Schwitschen hebbt Soken seggt wie: „Ehr sünd doch blot een tüffeligen Buernvereen!“ Over bröcht hett dat nix. Kort dorno hett die Schiedsrichter affleit.

So hebbt der Bartelsdörper mit twee to null de Nääs vörn und Torwart Daniel Lins harr nich mol een Ball fasthollen möt. Und ook wenn we 'n Buernvereen sünd, dei Schwitscher wöörn vundoch uus Knechts und Stalldeerns. Und wie seggt Uwe Hollmann jimmer: „DEI HEBBT WE UTENANNER STÖVT, DAT STÖVT MOORN NOCH...!“

Und so hebbt se speelt:
Daniel Lins – Jurek Grapentin, Mark Meyer, Oskar Jäger (Andreas Matz), Jan-Hendrik Hesse (Jochen Meinke) – Sascha Wahlers, Martin Riebesehl (Hermann Clüver), Michael Lange, Benjamin Bünning – Sascha Tiedemann, Tobias Willenbrock

Torschützen:
Tobias Willenbrock | Tobias Willenbrock

11 Kommentare

Seite: [1] 2 3 4 5 6 7 8 9 10 11 >> 181

Der BSV-Sponsoren-Pool

jetzt helfen!